inu:it-imi Pisortaanerup taarserneqarnera

Klaus Karlshøj Poulsen suliffeqarfiup avataani unammilligassanik allanik ujartuinissaq aallaavigalugu inu:it-mi Pisortaanertut atorfimminit soraarniuteqarsimavoq.

Klaus Karlshøj Poulsen inu:it-imi ukiut 13-it sinnerlugit atorfeqarsimavoq ukiut marluk affarlu kingulliit pisortaanertut atorfeqarfigisimallugit.

inu:it-imit pilersitsisoq ukiullu 25-it ingerlanerini piginnittuusoq Martin Gjødvadip Klausip aalajangernera ajuusaarutigaa.

”Klaus uangalu piffissaq tamaat qanimut suleqatigiilluarsimavugut maannalu Klaus suliffeqarfimmut annertuumik tunniussaqarsimaneranik kiisalu aamma tunniusimasimaneranik annertuumik qujaffigerusuppara”.

Maanna inu:it-imut Pisortaaninngorpoq Anders Hoffgaard suliffeqarfimmi 1. februar 2022 aallarnerfigalugu atorfinippoq.

Anders Hoffgaard 42-nik ukioqarpoq qarasaasialerinerullu silarsuaani misilittagaqarluarluni, taassuma saniatigut Kalaallit Nunaannik ilisimasaqarluarpoq, tassani siornatigut Nuummi ukiorpaalunni sulisimallunilu najugaqarsimalluni.

”inu:it-mut pisortaaninngorninni tulluusimaarlungalu attortisimavunga, suliffeqarfimmilu suleqatigiit nukittulluinnartut peqatigalugit suliffeqarfiup Kalaallit Nunaanni kiisalu Danmarkimi angusarisimasaata ineriartorteqqinnissaannut qilanaarpunga.

Ineriartortitseqqinnissamut toqqammaviusoq periarfissagissaarluinnarpoq, pingaartumillu sullitat pioreersut siunissamilu aggersumi sullitat nutaajusussat naapinnissaannut qilanaarpunga aaqqiissutissanik nutaanik pissanganartunillu Kalaallit Nunaanni Danmarkimilu aamma neqerooruteqarsinnaajumaarluta” taamak oqarpoq Anders Hoffgaard.

”inu:it-mut inuk Andersitut piginnaasaqarluartoq misilittagaqarluartorlu pilerilersissinnaagutsigu ilimagilluinnarpara toqqammavik nukittooq ukiut 25-it ingerlanerini pilersissimasarput pisooqataalluinnartoq, qilanaarpungalu Anders inu:it-milu  siulersuisut peqatigalugit suliffeqarfiup pitsaasumik ineriartorteqqinnissaanut. Taassu saniatigut ukiut ingerlanerini sullitarilersimasatta amerlassusaat sulisut pikkorissut sullarissullu pilersitseqataaffigilluinnarsimasaat tulluusimaarutigingaarpara”, Martin Gjødvad naggasiivoq.

Apeqqutissaqaruit:

Piginnittoq, Martin Gjødvad oqarasuaat:
+299 36 55 70
+45 21 63 27 21

Pisortaaneq, Anders Hoffgaard oqarasuaat:
+299 54 71 02
+45 20 90 38 46